بە پێی ڕاپۆرتی جام کوردی، ڕێباز حەملان، یاریدەدەری سەرۆکی حکومەتی هەرێمی کوردستان بۆ کاروباری ئەنجومەنی باڵای وەبەرهێنان، ڕایگەیاندووە کە ئەو 200 ملیار دینارەی کە عێراق مانگانە دەینێرێت تا کۆتایی ئەمساڵ بەردەوام دەبێت.
بە وتەی ناوبراو، بە پێی پلانی حکومەتی هەرێم، کۆی داهاتی ناوخۆ و نەوت لە گەڵ ئەو 200 ملیار دینارە، دەبێتە هۆی دابەشکردنی مووچە تا کۆتایی ساڵ و لە هەر مانگێکدا.
ناوبراو هەروەها ڕایگەیاندووە کە ڕەنگە حکومەتی عێراق بۆ ساڵی داهاتوو نەتوانێت یاسای بودجەی هەبێت و کار بە هەمان میکانیزمی ساڵی 2021 دەکرێت.
ڕێباز حەملان داوایکردووە کە ڕێکەوتنی بودجە جێبەجێ بکرێت تا هەرێمی کوردستان ماف و ئیمتیازەکانی خۆی وەربگرێت./.
