بەپێی ڕاپۆرتی جام کوردی، مەهدی شوشتەری سەرکونسوڵی کۆماری ئیسلامی ئێران لە سلێمانی رۆژی سێشەمە بەرواری 31ی ئابی 2021ی زاینی، لە پاش بەشداری کردن لە پێشانگای هاوبەشی بازرگانی نێوان کۆمپانیا ئێرانیەکانی بەشدار لە پێشانگای نێودەوڵەتی سلێمانی لەگەڵ بازرگانان و چالاکانی ئابووری هەڵەبجە، لە بینای قایمقامیەت لەگەڵ نوخشە ناسح قایمقامی هەڵەبجە کۆبوویەوە.
لە دیدارەکەدا شوشتەری بە ئاماژەدان بەوەی کە کۆمپانیاکانی دانش بونیانی ئێران بۆ یەکەمین جارە دێنە سلێمانی و هەڵەبجەوە، ئاماژەی بە بەشێک لە تواناکانی کۆمپانیا ئێرانیەکان کرد و ئامادەیی کۆمپانیا ئێرانیەکانی بۆ بەشداری کردن لە جێبەجێکردنی پرۆژە ئاوەدانیەکانی هەڵەبجە دەربڕی.
لای خۆیەوە قایمقامی هەڵەبجە سوپاسی هەوڵەکانی سەرکونسوڵگەری کۆماری ئیسلامی ئێران کرد بۆ پەرەپێدانی پەیوەندیەکانی نێوانیان و رایگەیاند لە میانەی گفتوگۆ لەگەڵ کۆمپانیا ئێرانیەکان بانگهێشتی کردوون بۆ بەشداری کردن لە پرۆسەری تەندەرین و کەمکردنەوەی پڕۆژەکانی پارێزگای هەڵەبجە. هەروەها داوای بەردەوامی یارمەتیەکانی کۆماری ئیسلامی ئێران کرد بۆ کردنەوەی مەرزی سازان و شۆشمێ و پشتە.