بە پێی ڕاپۆرتی جام کوردی، بەرهەم ساڵح سەرۆک کۆماری عێراق لە کۆشکی سەلامی بەغدا لە گەڵ مەحمود عەلەوی وەزیری هەواڵگری ئێران کۆبووە.
وەزیری هەواڵگری ئێران لە سەرەتای ئەو کۆبوونەوەدا هاوخەمی خۆیی بە بۆنەی ڕووداوی ئاگرکەوتنەوەکەی نەخۆشخانەی ئیمام حوسێن (ع) ی زیقار دەربڕی و پەیامی هاوخەمی ڕێبەری وڵاتەکەشی گەیاندە بەرهەم ساڵح و گەلی عێراق.
بەرهەم ساڵح لە درێژەی کۆبوونەوەکەدا جەختی لە سەر بەهێزبوونی پەیوەندییەکانی عێراق و ئێران کردەوە و وتی: عێراقێکی بەهێز، سەقامگیر و خاوەن دەسەڵات و پەیوەندی هاوسەنگ لە گەڵ وڵاتانی عەرەبی و ئیسلامی، دەتوانێت هۆکاری سەقامگیری و خاڵی یەکگرتنی بەرژەوەندییە هاوبەشەکانی وڵاتانی ناوچەکە بێت و ئەمەش پتەوبوونی ئاشتی و سەقامگیری ناوچەکەی بە دواوە دەبێت.
سەرۆک کۆماری عێراق هەروەها ستایشی هەڵوێستی کۆماری ئیسلامی ئێران و هاوکارییەکانی ئەم وڵاتەی بۆ عێراق لە شەڕی ڕوبەڕوبونەوەی داعش کرد.
لە لایەکی دیکەوە، وەزیری هەواڵگری ئێران وێڕای ئاماژە بە گرنگی پەیوەندییەکانی نێوان هەر دوو گەل و وڵات، جەختی لە سەر پاڵپشتی ڕێبەری ئێران لە ئاسایش و سەقامگیری عێراق و پتەوکردنی پەیوەندییە دووقۆڵییەکان لە سەرجەم بوارەکان بە تایبەت لە ڕوبەڕوبونەوەی تیرۆریزم و جێگیرکردنی ئاسایش و سەقامگیری لە ناوچەکە کردەوە./.
