بە پێی ڕاپۆرتی جام کوردی، پاش حکومەتی ڕزگاری نیشتمانی یەمەن و ڕەوتی سەدر و هاوپەیمانی فەتح لە عێراق و ئامادەیی ئەوان بۆ هاوکاریکردنی فەڵەستین، سوریا سێهەم لایەنە کە ئامادەیی خۆیی بۆ هاوکاریکردنی گەلی فەڵەستین لە بەرامبەر ڕژێمی زایۆنیستی ڕاگەیاندووە.
فەیسەڵ مێقداد وەزیری دەرەوەی سوریا لە چاوپێکەوتنی ئەنوەر عەبدولهادی بەڕێوەبەری بەشی سیاسی لە ڕێکخراوی ئازادیخوازی فەڵەستین ڕایگەیاند کە سوریا ئامادەی هەر هاوکارییەکە بۆ گەلی فەڵەستین.
مێقداد خۆڕاگری گەلی فەڵەستینی لە بەرامبەر تاوانەکانی ڕژێمی زایۆنیستی وەک موعجیزەیەک ناو برد و وتی: فەڵەستینییەکان زیاتر لە چاوەڕوانی لە بەرامبەر ڕژێمی زایۆنیستی و پاڵپشتییەکانی ئەمریکا هێزی خۆیان پیشانداوە.
ناوبراو وتی: ئامادەین لە سەر هەر داواکارییەک هاوکاری فەڵەستین بکەین لە بەر ئەوەی کە فەڵەستین پرسی سەرەکی و یەکەمی ئێمەیە.
وەزیری دەرەوەی سوریا وتی کە شەڕی ئەمجارە ڕواڵەتی ڕاستەقینەی خیانەتکاران بە ئامانجی ڕەوای گەلی فەڵەستین و ئەوانەشی ئاشکرا کرد کە بانگەشەی ئازادی و بەرگری لە مافی مرۆڤ دەکەن./.
