بە پێی ڕاپۆرتی جام کوردی، مەهدی میرئەشرەفی جێگری وەزیری ئابوری و سەرۆکی گشتی ڕێکخراوی گومرکی کۆماری ئیسلامی ئێران ڕایگەیاند: بازرگانی ئێران لە گەڵ 5 وڵاتی ئەندام لە یەکێتی گومرکی و ئابوریی ئوراسیا لە ساڵی 1399 ی کۆچی هەتاوی، بە گشتی 8 ملیۆن و 682 هەزار و 191 تەن بە بڕی 3 ملیار و 407 ملیۆن و 467 هەزار و 212 دۆلار بووە کە 6 ملیۆن و دوو هەزار و 788 تەن بە بڕی 2 ملیار و 358 ملیۆن و 381 هەزار و 720 دۆلار پشکی هاوردە لەم پێنج وڵاتە بووە کە لە سەدا 69 ی بازرگانی لە گەڵ ئەم وڵاتانە لە خۆ دەگرێت و دوو ملیۆن و 679 هەزار و 403 تەن بە بڕی یەک ملیار و 49 ملیۆن و 85 هەزار و 492 دۆلار و پشکی لە سەدا 31 پەیوەندی بە هەناردەی کاڵای ئێرانییەوە بووە.
ناوبراو سەبارەت بە ڕێژەی بازرگانیی ئێران لە گەڵ هەر یەک لە ئەندامانی یەکێتی ئوراسیا وتی: ڕووسیا بە گشتی بە 6 ملیۆن و 300 هەزار و 837 تەن بە بڕی دوو ملیار و 625 ملیۆن و 990 هەزار و 493 دۆلار یەکەم هاوبەشی بازرگانی ئێران لەم یەکێتییە بووە و کە بەراورد بە ساڵی پێشووتر واتە 1398 ی کۆچی هەتاوی لە هەناردەی بۆ ئێران لە سەدا 19 و لە هاوردەی لە ئێرانەوە لە سەدا 10 گەشەی هەبووە و بە گشتی لە سەدا 77 ی بازرگانی ئێران لە گەڵ یەکێتی ئوراسیا لە گەڵ وڵاتی ڕووسیا بووە.
میرئەشرەفی وردەکاری بازرگانی ئێرانی لە گەڵ ڕووسیا خستەڕوو و وتی: پێنج ملیۆن و 240 هەزار و 44 تەن کاڵا بە بڕی دوو ملیار و 116 ملیۆن و 73 هەزار و 576 دۆلار کاڵا لە ڕووسیاوە هاوردەی ئێران کراوە کە زیاتر لە سەدا 89 ی هاوردەی ئێران لەم یەکێتییە لە خۆ دەگرێت و یەک ملیۆن و 60 هەزار و 793 تەن کاڵا بە بڕی 509 ملیۆن و 917 هەزار و 917 دۆلار کاڵای ئێرانیش لە ساڵی 1399ی کۆچی هەتاوی هەناردەی ڕووسیا کراوە کە لە سەدا 48 ی هەناردەی ئێران بۆ ئەم یەکێتییەی لە خۆ گرتووە.
جێگری وەزیری ئابوری ئێران لە درێژەدا وتی: کازاخستان بە یەک ملیۆن و 78 هەزار و 585 تەن بە بڕی 369 ملیۆن و 209 هەزار و 564 دۆلار لە کۆی گشتی هاوردە و هەناردە بە دووەم هاوبەشی بازرگانی ئێران لە یەکێتی ئابوری و گومرکی ئوراسیا دادەنرێت کە 741 هەزار و 510 تەن کاڵا بە بڕی 201 ملیۆن و 212 هەزار و 508 دۆلار لەم وڵاتە هاوردە کراوە و 337 هەزار و 75 تەن کاڵای ئێرانی بە بڕی 167 ملیۆن و 997 هەزار و 56 دۆلار هەناردەی بۆ کراوە. پاشان ئەرمینیا بە یەک ملیۆن و 251 هەزار و 714 تەن کاڵا بە بڕی 321 ملیۆن و 867 هەزار و 973 دۆلار، سێهەم هاوبەشی ئێران بە کڕینی 304 ملیۆن و 548 هەزار و 825 دۆلار کاڵای ئێرانی و فرۆشتنی 17 ملیۆن و 319 هەزار و 112 دۆلار کاڵا بە ئێران بووە.
مەهدی میرئەشرەفی هەروەها وتی: بیلاڕووسیا بە گشتی بە 19 هەزار و 497 تەن کاڵا بە بڕی 52 ملیۆن و 337 هەزار دۆلار، چوارەم هاوبەشی بازرگانی ئێرانە لە یەکێتی ئوراسیا کە 21 ملیۆن و 117 هەزار و 454 دۆلاری هەناردەی کاڵای ئێرانی و 31 ملیۆن و 220 هەزار و 241 دۆلاریش هاوردەی ئێران لەم وڵاتە بووە. قڕقیزستانیش پێنجەم هاوبەشی بازرگانی ئێرانە لە یەکێتی ئوراسیا بە 40 هەزار و 521 تەن کاڵا بە بڕی 48 ملیۆن و 426 هەزار و 30 دۆلار کە پشکی هەناردەی کاڵای ئێرانی بۆ ئەم وڵاتەش 45 ملیۆن و 851 هەزار و 620 دۆلار و هاوردەش بۆ ئێران دوو ملیۆن و 574 هەزار و 410 دۆلار بووە.
شایانی ئاماژەیە کە 183 ملیۆن کەس لە پێنج وڵاتەکەی ئەندام لە یەکێتی ئابوری ئوراسیا ژیان بە سەر دەبەن کە نزیکەی 140 ملیۆن کەس، واتە لە سەدا 77 ی، لە ڕووسیادان./.
