بە پێی ڕاپۆرتی جام کوردی، پارێزگای بەسرە وەک پایتەختی ئابوری عێراق خۆی بۆ دەستپێکردن و کردنەوەی چەند پرۆژەیەکی ستراتیژی ئامادە دەکات، بەسرە یەکێک لە ناوچە کاریگەرەکانە لە دابینکردنی نەوت و هاوسەنگکردنی بازاڕی جیهانی نەوت.
ئێحسان عەبدولجەبار وەزیری نەوتی عێراق وتی: بەسرە ڕۆژانە زیاتر لە 2 ملیۆن بەرمیل نەوت لە ڕێگای بەندەرەکانی باشوری عێراقەوە هەناردە دەکات و ساڵانە لە سەدا 90 ی بودجەی دارایی عێراق لەم ڕێگایەوە دابین دەکرێت.
ناوبراو وتی: وەزارەتی نەوت دوو ساڵ بەر لە ئێستا یادداشتێکی لێکتێگەیشتنی لە گەڵ کۆمپانیایەکی هۆڵەندا بۆ جێبەجێکردنی پرۆژەی درووستکردنی دوورگەیەکی دەستکردی هەناردەی نەوت لە باشوری عێراق بۆ هەناردەی ڕۆژانە 3 ملیۆن بەرمیل و کۆکردنەوەی 6 ملیۆن بەرمیل واژۆ کرد بەڵام کاریگەرییەکانی قەیرانی کۆرۆنا لە سەر ئابوری وایکرد کە ئەو پرۆژەیە هیچ بەرەوپێشچوونێکی نەبێت.
وەزیری نەوتی عێراق سەبارەت بە پرۆژەکانی پارێزگای بەسرە وتی: دانوستانەکان لە گەڵ کۆمپانیاکانی ئیکسۆن مۆبیل و پترۆچین بۆ وەبەرهێنان لە پرۆژەی یەکگرتووی باشوری عێراق بەردەوامە.
ئێحسان عەبدولجەبار وتی: ئەنجومەنی وەزیران لە ساڵی 2019 دەنگی لە سەر ئەو پرۆژانە بە بڕی 53 ملیار دۆلار داوە./.
