بە پێی ڕاپۆرتی جام کوردی، سوڵتان موسەوی بەڕێوەبەری گشتی کاروباری کارگێڕی لە ڕێکخراوی حەشدی شەعبی لە ڕێوڕەسمی کردنەوەی ناوەندی ڕۆشنبیری شەهیدانی حەشد لە پارێزگای بەسرە ژمارەی شەهیدەکانی ئەم ڕێکخراوەی لە ساڵی 2019 تا ئێستا ئاشکرا کرد.
ناوبراو وتی: حەشدی شەعبی لە سەرەتای ساڵی 2021 تا ئێستا 42 شەهیدی پێشکەش بە گەلی عێراق کردووە.
موسەوی وتی: ساڵی 2020 حەشد 146 شەهیدی هەبووە و ژمارەی شەهیدەکانی ساڵی 2019 ی حەشد 208 شەهید بووە.
ئەو بەرپرسەی حەشدی شەعبی وتی کە پارێزگای بەسرە لە پلەی یەکەمی پارێزگاکانی عێراقە کە زیاترین شەهیدی لە ڕیزەکانی ئەم ڕێکخراوەدا هەیە.
بە پێی ئەم ئامارەش، ژمارەی شەهیدەکانی حەشدی شەعبی لە ساڵی 2019 تا ئێستا 396 شەهیدە./.
