“گوڵ نسا” لە کوردستانەوە دوو خەڵاتی نێودەوڵەتی دیکەی مسۆگەر کرد

بەپێی ڕاپۆرتی جام کوردی، “یگانە ڕەجەبی” وەکوو باشترین ئەکتەری ژنی فێستیڤاڵی “عەشق” لە ئەمریکا ناسێندرا.
هەروەها سێهەمین خولی فێستیڤاڵی نێودەوڵەتی فیلمە سینەماییەکانی ” IIFF ئیندیا” لە پونەی هیندستان سێ خەڵاتی باشترین فیلم، باشترین دەرهێنەری و باشترین وێنەگریی ئەو خولەی پێشکەش بە فیلمی سینەمایی گوڵ نسا لە نووسینی ڤیدا ساڵحی و دەرهێنەریی سەتار چەمەنی گوڵ و وێنەگریی محەمەد فەکوور و دەنگ هەڵگریی بێهرووز معاونیان و کۆ کردنەوەی کاوە عەزیری و هەروەها بە ئەکتەریی یگانە ڕەجەبی، عەلی محەمەمەد رادمەنش، سەعید داخ و مەسعوود محەمەد کرد.
بە پێی ئەم راپۆرتە، فیلمی گوڵ نسا لە فێستیڤاڵی نێودەوڵەتی عەشقی ئەمریکا لە ڕۆژانی 18 بۆ 21 ی سێپتەمبەری 2019 لە شاری لۆس ئانجلێس بۆ باشترین دەرهێنەری، باشترین وێنگەری، باشتری ئەکتەری پیاو و باشترین ئەکتەری ژن بەربژێر کرا.
سێهەمین خولی فێستیڤاڵی نێودەوڵەتی فیلمە سینەماییەکانی ” IIFF ئیندیا” لە پونەی هیندستانیش بە هۆی کۆرۆناوە بە شێوەی ئۆنڵاین بەڕێوە چوو.
کۆتایی/.