“تۆ نیت و من هەندێک جار” بەرهەمی نوێی محەمەد جەواد جەلیلیان هاتە بازاڕەوە

بەپێی ڕاپۆرتی جام کوردی، “تۆ نیت و من هەندێک جار” شێعرە عاشقانەکانی شاعێرانی کوردی لە خۆ گرتووە کە کراوەتە فارسی.
شێعرەکان بەرهەمی شاعێرە بەناوبانگەکانی کورد لە بەرەی هاوچەرخی لەخۆگرتووە و لە زاراوە جیاجیاکانی کوردییەوە لەوانە کورمانجی، سۆرانی، هەورامی و کەلهوڕی وەرگیراوە و کراوەتە فارسی.
بەرهەمەکانی شێرکۆ بێکەس، بەختیار عەلی، عەبدوڵڵا پەشیو، لەتیف هەڵمەت، ڕەفێق سابیر، مەهاباد قەرەداغی، جەلال مەلەکشا، قوباد جەلی زادە، فەرهاد پیرباڵ، جەماڵ خەمبار، کامبیز کەریمی، عەلی ئولفەتی، مەسعوود قەنبەری، مازیار نەزەربەیگی لەم کتێبەدا دەبینرێن.
“تۆ نیت و من هەندێک جار” لە 230 لاپەڕە لە 1000 بەرگدا لەچاپ دراوە و لە وەرگێڕانی هۆنراوەکان بۆ سەر زمانی فارسی، هەوڵ دراوە چوارچێوەی مانایی شێعرەکان بپارێزرێت.
کۆتایی/.