وتەبێژی هاوپەیمانی دەوڵەتی یاسا وتی کە زانیارییە سەرەتاییەکانی دەزگا ئەمنییەکانی عێراق باس لەوە دەکات کە ئەنجامدەری کردەوە تیرۆریستییەکانی پێنج شەممەی بەغدا دوو کەسی سعوودی بوون.
بە پێی ڕاپۆرتی جام کوردی، بەهائەدین نوری وتی: ئەگەر دەستێوەردانی سعوودییەکان لە تەقینەوەکانی گۆڕەپانی تەیرانی بەغدا بسەلمێندرێت، حکومەتی عێراق دەبێت سعوودیە لەم ڕووداوەدا بە تاوانبار ناو ببات.
بە پێی ڕاگەیاندنی میدیا عێراقییەکان، لە ئەنجامی ئەو دوو تەقینەوەدا 32 کەس کوژران و دەیان کەسی دیکەش بریندار بوون.
