بەپێی ڕاپۆرتی جام کوردی – عادل حەمە کەریم بەو هەواڵەی خوارەوە، وەفادرای و رێزی خۆی بۆ کەریم کابان ڕاگەیاند:
هونەرمەندانی ئازیز ..خۆشەویستان بنەماڵەی سەربەرزی هونەرمەندی گەورە کەریم کابان دەمەوێ پێتان ڕابگەیەنم کە لە ئایندەیەکی نزیکداو لە رێو رەسمێکی شایستەدا بە هاوکاری تیپی موسیقای سلێمانی رەهەندەکانی هونەرمەند کەریم کابانتان پێدەناسێنم، کە بەهیوام لە ئاست گەورەیی کارە هونەرییەکانی کەریم کاباندا بێت، پێش بڵاو کردنەوەی کتێبەکە زانیاری زیاترتان بۆ دەخەمە ڕوو. دوتوێی ئەم کتیبە خۆی لە توێژینەوەیەکدا دەبینێتەوە باس لە ژیانی هونەرمەندو لایەنی ئێستاتیکای دەنگ و پێکهاتەی ئاوازەکانی و کارە هونەرییەکان دەکات.
بە سوپاسەوە بەڕیز کاک دکتۆر هەڤال ئەبوبەکر پارێزگاری سلێمانی ئەرکی چاپ کردنی پەرتووکەکەی گرتۆتە ئەستۆی خۆی. چاوەڕوان بن بەم زوانە…..
عادل محەمەد كەریم
سالی 1969 لە گەڕەكی كانێسكانی شاری سلێمانی لە دایكبووە
ساڵی 2017 دوو كتێبی لەسەر هونەرمەندان “شەماڵ سائیب و حەسەن زیرەك” بڵاو كردۆتەوە.
چەندان ئاوازو بەرهەمی جۆراو جۆری بڵاوكردۆتەوە.
كاری موزیكی بۆ چەندین دراماو شانۆو فیلم داناوە .
زیاتر لە 100 بابەتی جۆراو جۆری لە رۆژنامەوگۆڤارەگان بڵاوكردۆتەوە.
دەیان كۆرو سیمیناری لەناوەو دەرەوەی هەرێم ئەنجامداوە .
شەش پەرتووكی موزیكی ئامادەیە بۆبڵاوكردنەوە.
کۆتایی/.
