بە پێی ڕاپۆرتی جام کوردی، لە دانیشتنی ڕۆژی چوارشەممەی پەرلەمانی کوردستان، کەمال ئەتروشی کاندیدی پارتی بۆ وەزارەتی سامانە سرووشتییەکان دەنگی پێویستی بە دەست هێنا و بووە ئەندامی کابینەی نۆیەمی حکومەتی هەرێمی کوردستان.
لە 111 ئەندامەکەی پەرلەمان، ئەتروشی 81 دەنگی بە دەست هێنا. 45 ئەندامی فراکسیۆنی پارتی، 17 ئەندام لە فراکسیۆنی یەکێتی، 7 ئەندام لە فراکسیۆنی گۆڕان، 11 ئەندامی پێکهاتەکان و یەک دەنگی باپیر کامەلا درایە ئەتروشی.
کۆتایی/.
