سه‌ید موزه‌فه‌ر حه‌سه‌ن خدر به‌ڕێوه‌به‌ری مه‌ڵبه‌ندی ڕۆشنبیری و کۆمه‌ڵایه‌تی ساداتی پیرخدری شاوه شه‌هیدکرانی شێخ نه‌مری له‌لایه‌ن ڕژێمی ئالی سه‌عووده‌وه ئیدانه کرد. ده‌قی په‌یامه‌که‌ی له درێژه‌دا هاتووه:
به ناوى خواى به خشنده و ميهره‌بان.
انالله وانااليه راجعون.
به‌نده وه‌ک به‌ڕێوه‌به‌ر مه‌ڵبه‌ندی ڕۆشنبیری و کۆمه‌ڵایه‌تی ساداتی پیرخدری شاهۆ به‌وپه‌ڕی نیگه‌رانی هه‌واڵی شه‌هیدکردنی سه‌ماحه‌تی شێخ نه‌مرمان بیست که له‌لایه‌ن بنه‌ماڵه‌ی ئالی سه‌عوود له سێداره درا ئه‌م تاوانه‌ی ئالی سه‌عوود ته‌نیا به‌رامبه‌ر به که‌سایه‌تی شێخ نه‌مر نه‌کراوه به‌ڵکوو به‌رامبه‌ر به به‌ته‌واوی خۆشه‌ویستانی ئالوبه‌یت و شوێنکه‌وتوانیان کراوه له ته‌واوی جیهان. جارێکیتر یه‌زیدییه‌کان و وه‌هابیه دۆسته‌کانیان له وێنه‌ی داعش و ئالی سه‌عوود شه‌هیدکردنی ئیمام حوسێنیان خسته‌وه‌بیری شوێنکه‌وتوانیی ئالوبه‌یت و شێعه مه‌زه‌بانی جیهان. ئێمه له کاتێکدا ئه‌م تاوانه گه‌وره‌یه سه‌رکۆنه ده‌که‌ین دڵنیاین خوێنی عه‌لامه‌ی شه‌هید نه‌مر و هاوه‌ڵه‌کانی به زیان ناچێت و ئه‌بێته هۆی له‌ناوچوونی ڕژێمی سته‌مکاری ئالی سه‌عوود و یه‌زیدییه‌کانی ناوچه‌که و داعشی دروستکراوی ده‌ستیان. داواکارین له خوای گه‌وره به شه‌هیدیان وه‌رگرێت و گیانی پاکیان له به‌هه‌شتی فرده‌وس قبووڵ بکات.
ولاتحسبن الذين قتلو في سبيل الله اموات بل احياءٌ عند ربهم يرزقون.
صدق الله العلي العظيم
