جام کوردی:
گرووپی تیرۆریستی داعش له‌و تیرۆریستانه پێکهاتووه که سنوره‌کانیان تێپه‌ڕاندووه و بۆ کرده‌وه‌ی نامرۆڤانه‌ی خۆیان گه‌یشتوونه‌ته سوریا و عێراق و له ده‌ره‌نجامی ئه‌مه‌ش کوژران و برینداری زۆر، کاولکاری و ئاواره‌بوونی ژماره‌یه‌کی زۆر له خه‌ڵکی ئه‌م دوو وڵاته به تایبه‌ت سوریا، لاپه‌ڕه‌یه‌کی ڕه‌شی له سه‌ر مێژووی ڕۆژهه‌ڵاتی ناوه‌ڕاست تۆمار کردووه که بێ گومان هۆکاره ڕاسته‌قینه‌که‌ی بۆ پاڵپشتی وڵاتانی ڕۆژئاوا و عه‌ره‌بی له‌و تیرۆریستانه ده‌گه‌ڕێته‌وه. وڵاتی تونسیش له‌و وڵاتانه‌یه که ژماره‌یه‌ک له دانیشتووانه‌که‌ی په‌یوه‌ندییان به ڕیزه‌کانی داعشه‌وه کردووه.
به پێی ڕاپۆرتی جام کوردی، دەسەڵاتدارانی تونس ئاشكرایانكرد، تائێستا نزیكەی 800 گەنجی ئەو وڵاتە كەلەڕیزی رێكخراوی تیرۆرستی داعشدابوون، كوژراون.
وەلید لوقێنی وتەبێژی وەزارەتی ناوخۆی تونس لەلێدوانێكدا كە دوێنێ 25ی كانونی یەكەمی 2015 بڵاوكرایەوە ئاماژەی بەوەكرد، لەكۆی 3 هەزار گەنجی تونسی كەلەڕیزی داعشدان، تائێستا 600 یان گەڕاونەتەوە وڵات و 800ی تریان كەلەڕیزی داعشدا بوون كوژراون.
پێشتر و لەمانگی تەموزی ئەمساڵدا رێكخراوی نەتەوەیەكگرتووەكان لەڕاپۆرتێكدا ئاماژەی بەوەكردبوو، زیاتر لە 5 هەزارو 500 گەنجی تونسی كەتەمەنیان لەنێوان 18- 35 ساڵاندایە لەنێو ڕیزی گروپە جیهادییەكان لە هەریەكە لە عیراق- سوریا و لیبیا شه‌ڕ ده‌که‌ن.
لوقێنی لەبەشێكی تری لێدوانەكەیدا ئەوەی روونكردەوە، لەماوەی رابردوودا دەزگا ئەمنییەكانی تونس زیاتر لە هەزار و 300 شانەی تیرۆریستییان هەڵوەشاندۆتەوە و ئەندامانیان دەستگیركردوون كە بەشێك لەو شانانە خۆیان ئامادەكردووە بۆ ئەنجامدانی كردەی تیرۆرستی لەناو تونسدا.
