تیرۆریسته‌کانی داعش له ویلایه‌تی الفرات و شاری بوکه‌ماڵ به ده‌رکردنی ڕاگه‌ێندراوێک که له لایه‌ن دیوانی ” الدعوه و المساجد ” سه‌ر به‌و گرووپه تیرۆریستییه ده‌رکراوه، ڕایانگه‌یاندووه ئه‌و که‌سانه‌ی که به‌شداری له پۆله‌کانی تایبه‌ت به شه‌رع و بانگه‌شه‌یی ئه‌واندا نه‌که‌ن له سه‌رجه‌م مافه‌کانی شارۆمه‌ندی بێ به‌ری ده‌بن.
به پێی هه‌واڵی جام کوردی، تیرۆریستانی داعش ڕایانگه‌یاندووه ئه‌و که‌سانه‌ی که به‌شداری له‌و پۆلانه‌دا نه‌که‌ن، سه‌فه‌ر، سکاڵا، ناڕه‌زایه‌تی، به‌کارهێنانی ئینترنێت و کڕین و فرۆشتنیان لێ قه‌ده‌غه ده‌کرێت.
ئه‌م هه‌نگاوه‌ی داعش بۆ ئه‌وه‌یه که کاریگه‌ری له سه‌ر بیر و هزری خه‌ڵک دابنێن و په‌ره به ئایدۆلۆژیای توندڕۆوانه و نامرۆڤانه‌ی خۆیان بده‌ن.
